Stórkostlega skemmtilegir Netflix-þættir um tvo stórkostlega klikkaða unglinga í Englandi. Alyssa er eins og ferskur andvari inn í fremur staðlaðan heim kvenpersóna í kvikmyndagerð og hver þáttur er rétt um 20 mínútur sem er mjög þægileg lengd.
Ekki deyja úr hungri yfir daginn. Ristaðar tamari-möndlur eru frábært snakk til að nasla við skrifborðið. Passaðu bara að borða ekki of mikið af þeim ef þú ert enn að skafa af þér jólamörinn.
Stórfyrirtækið Amazon býður upp á endalausa afþreyingu í formi bóka, sjónvarpsefnis og síðast en ekki síst hljóðbóka og hlaðvarpsþátta. Áskrift að Audible veitir þér aðgang að úrvals hlustunarefni á ensku og allir ættu að finna eitthvað fyrir sinn smekk, bæði fróðleik og skemmtun.
Hvíti riddarinn í Mosfellsbæ býður upp á eitt ferskasta og besta kjúklingasalat sem völ er á. Smakk er sögu ríkara!
Ef þú hefur eitthvað fallegt að segja við náungann, ekki halda aftur af þér. Segðu það! Bros getur dimmu í dagsljós breytt og einfalt hrós getur virkað mjög hressandi, – sérstaklega þegar það kemur úr óvæntri átt.
