Vinstri bakvörður Fulham, Antonee Robinson, er sagður á óskalista bæði Liverpool og Manchester United fyrir sumargluggann.
Samkvæmt enskum miðlum gæti bandaríski landsliðsmaðurinn verið fáanlegur fyrir um 25 milljónir punda. Talið er að Robinson myndi helst vilja ganga til liðs við Liverpool ef hann yfirgefur Fulham eftir tímabilið.
Robinson kom til Fulham frá Wigan árið 2020 og hefur verið afar mikilvægur. Hann er þekktur fyrir hraða sinn og að vera góður bæði sóknar- og varnarlega.
Liverpool vill sækja vinstri bakvörð í hóp sinn í sumar vegna fjarveru Andy Robertson á meðan United skoðar það að styrkja þessa stöðu vegna þrálátra meiðsla Luke Shaw.
Hvort félagið landar Robinson gæti ráðist af því hvort liðin tryggja sér sæti í Meistaradeildinni á næsta tímabili.
