Samfélagsmiðlastjarnan Ivana Knoll hefur greint frá því að hún muni koma fram sem plötusnúður á vináttulandsleik Króatíu og Kólumbíu síðar í mánuðinum.

Knoll vakti mikla athygli á áhorfendapöllunum á HM 2018 og 2022 þar sem hún studdi Króatíu og var mjög áberandi. Hún hefur síðan byggt upp stóran fylgjendahóp á samfélagsmiðlum og er með tæplega þrjár milljónir fylgjenda á Instagram.

Undanfarið hefur hún einnig haslað sér völl sem plötusnúður undir listamannsnafninu KnollDoll og komið fram víða í Evrópu, Miðausturlöndum og Norður-Ameríku.

Nú hefur hún fengið það hlutverk að spila í hálfleik á vináttuleik liðanna sem fer fram 26. mars á Camping World-leikvanginum.

„Draumur að rætast. Að fá að koma fram fyrir landið mitt hefur alltaf verið stærsti draumurinn,“ skrifaði Knoll á samfélagsmiðlum.