Tveir leikmenn hjá perúska liðinu Sporting Cristal eru í miklum vandræðum eftir að kynferðislegt myndband fór í dreifingu á netinu.

Í myndbandinu sjást leikmennirnir með konu í teiti heima fyrir. Hefur þetta vakið mikla athygli.

Félagið tók strax ákvörðun um að taka leikmennina úr liðinu á meðan málið er til rannsóknar innanhúss.

Fréttir að utan herma að leikmennirnir séu ungir og mjög efnilegir og búist er við að þeir nái langt. Myndbandið gæti haft alvarleg áhrif á feril þeirra ef málið verður ekki leyst.

Stjórn félagsins segir að hlutverk þeirra sé að leiðbeina leikmönnum og vernda orðspor félagsins, málið fari nú réttan farveg.