Framtíð Arne Slot hjá Liverpool gæti verið óviss þegar tímabilinu lýkur ef marka má nýjar fréttir frá Englandi.

Samkvæmt Teamtalk verður staða hollenska stjórans tekin til ítarlegrar skoðunar í sumar, óháð því hvernig síðustu leikir tímabilsins fara.

Í sömu frétt kemur fram að eigendur Liverpool hafi þegar ákveðinn eftirmann í huga ef breytingar verða á stjórastólnum. Sá er fyrrum miðjumaður liðsins, Xabi Alonso, sem hefur vakið mikla athygli fyrir störf sín sem knattspyrnustjóri.

Alonso gerði vel hjá Bayer Leverkusen en tók við Real Madrid á síðasta ári en var fljótt rekinn úr starfi þar.

Eigendur Liverpool eru sagðir líta á Spánverjann sem kjörinn mann til að taka við liðinu til lengri tíma ef félagið ákveður að gera breytingar á stjórnun þess eftir tímabilið.