Jóhann Berg Guðmundsson leikmaður íslenska landsliðsins meiddist á æfingu liðsins og verður ekki með gegn Skotlandi.
Þetta kemur fram á Fótbolta.net. Jóhann Berg kom tæpur inn í verkefnið en hann missti af síðasta leiknum í úrvalsdeildinni í Sádí Arabíu.
Æfingaleikurinn á morgun er þriðji leikur Arnars Gunnlaugssonar sem þjálfara liðsins.
Jóhann Berg er 34 ára gamall og hefur leikið 99 landsleiki en einhver bið verður eftir því að hann nái í 100 leikja klúbbinn.
