Aaron Ramsdale mun að öllum líkindum ekki spila með liði Southampton næsta vetur en hann er samningsbundinn félaginu.
Ramsdale hefur nú fallið þrisvar sinnum á sínum ferli en markvörðurinn spilaði með afskaplega slöku Southampton liði í vetur.
Samkvæmt TalkSport er West Ham í viðræðum við Southampton um kaup á Ramsdale sem myndi kosta 20 milljónir punda og mögulega rúmlega það.
Ramsdale gerir sér enn vonir um að spila með Englandi á HM 2026 og þarf þess vegna að spila í efstu deild eftir fall Southampton úr efstu deild.
Hvort Ramsdale yrði markvörður númer eitt er ekki víst en aðalmarkvörður West Ham í dag er Alphonse Areola.
