Helgi Fannar Sigurðsson skrifar frá Sviss

„Það er allt upp á tíu hér. Umhverfið er ótrúlegt og æfingasvæðið geggjað,“ sagði bakvörðurinn Guðný Árnadóttir í samtali við 433.is í dag, en liðið hefur verið í Sviss síðan á laugardag og undirbýr sig að kappi fyrir EM.

Ísland hefur leik á EM á miðvikudag og andstæðingurinn er Finnland. „Andinn er ótrúlega góður. Við erum ótrúlega spenntar að fara saman út á völl og byrja þetta mót loksins, við erum búnar að bíða lengi eftir því. Við förum í leikina til að vinna og gerum allt til að vinna leikinn gegn Finnlandi.“

Guðný var einnig með íslenska landsliðinu á síðasta Evrópumóti á Englandi og segir mikinn heiður að vera í þessum hópi. „Það er alltaf mikil spenna og það er mikill heiður að vera hérna,“ sagði Guðný, en nánar er rætt við hana í spilaranum.