Troy Deeney fyrrum fyrirliði Watford segir að Bruno Fernandes eigi að gefa Alejandro Garnacho kinnhest þegar undirbúningstímabil félagsins fer af stað.
Miklar umræður hafa skapast um það að Garnacho ákvað að klæðast Aston Villa treyju í sumarfríinu sínu.
United vill losna við Garnacho í sumar en hann og Ruben Amorim áttu fund fyrir lok tímabils þar sem kantmaðurinn fékk þau skilaboð.
„Þetta er ný kynslóð af fólki, ég þarf því að passa mig að hljóma ekki eins og gamall maður,“ sagði Deeney.
„Það þarf að gefa honum smá kinnhest, honum leiðist og ber ekki virðingu fyrir neinum.“
„Ef ég væri hjá United, þá myndi ég bomba hann niður á fyrstu æfingu ef ég væri Bruno Fernandes. Ég myndi gera það, ég er ekki að reyna að búa til fyrirsagnir.“
„Ég myndi negla hann og segja honum að þetta væri Manchester United og spyrja hvað hann væri að spá?.“
