Kyle Walker leikmaður Manchester City er með framtíð sína í lausu lofti en félagið vill losna við hann. Walker var á láni hjá AC Milan seinni hluta tímabilsins en ítalska félagið ákvað að kaupa hann ekki.
Walker er nú mest orðaður við Everton en David Moyes er sagður vilja fá hann. Bakvörðurinn knái er heima hjá sér í Manchester en hann pantaði mat hjá Mandarin House og fékk það heimsent.
„Ég er svo ánægður að Kyle Walker keypti aftur kínverskan mat af okkur, takk,“ skrifar Yun Biao Lin eigandi staðarins á samfélagsmiðla.
Hann birti svo mynd af sér og Walker saman en lét það ekki duga og birti mynd af reikningnum hans Walker.
Hann fékk sér rækjur, kjúklingavængi og nautakjöt, mesta athygli vakti þó öndin sem hann keypti fyrir tæpar 20 þúsund krónur.
Reikningurinn var upp á tæpar 60 þúsund krónur og því var Walker líklega með einhverja gesti í mat.
