Framherjinn Benjamin Sesko er í dag orðaður við Sádi-Arabíu í fjölda erlendra miðla.

Sesko er á mála hjá RB Leipzig og er afar eftirsóttur, en Arsenal hefur þótt líklegt til að hreppa hann í sumar. Mikel Arteta er í leit að níu eins og flestir vita.

Sádiarabísku meistararnir í Sádi-Arabíu eru þó einnig sagðir hafa áhuga og gætu freistað hins 22 ára gamla Sesko með háum fjárhæðum.

Leipzig vill fá um 70 milljónir punda fyrir Sesko og sem stendur bendir ekki margt til þess að leikmaðurinn sé til í að halda út fyrir Evrópuboltann.

Al-Hilal mun taka þátt á HM félagsliða í Bandaríkjunum í sumar en þyrfti að klára kaup á Sesko í dag ef hann ætti að spila þar.

Sesko gerði 21 mark í 45 leikjum fyrir Leipzig á síðustu leiktíð.