Tottenham ætlar ekki að losa markvörðinn Guglielmo Vicario í janúarglugganum þrátt fyrir hans frammistöðu á þessu tímabili.

Frá þessu greina margir enskir miðlar og þar á meðal Telegraph en Vicario hefur verið í umræðunni undanfarið.

Vicario verður ekki á sölulista í janúarglugganum en Tottenham gæti skoðað það að losa hann næsta sumar.

Ítalinn er aðalmarkvörður Tottenham og hefur heilt yfir staðið sig ágætlega en frammistaðan hefur ekki verið heillandi í vetur.

Thomas Frank, stjóri Tottenham, segist vera hrifinn af leikmanninum og að hann hafi bjargað félaginu margoft á tímabilinu hingað til.