Florian Wirtz hefur átt erfitt uppdráttar hjá Liverpool og samkvæmt Uli Hoeness, heiðursforseta Bayern München, er ástæðan einföld, Arne Slot hafi ekki staðið við loforð og leikmenn Liverpool séu of gráðugir.

Hoeness, 73 ára, heldur því fram í samtali við Bild að Slot hafi lofað Wirtz lykilstöðu í tíunni og að liðið yrði byggt í kringum hann, en að „ekkert af því hafi ræst.

„Hann fékk ekki tíuna heldur númer 7, og liðið er augljóslega ekki byggt upp í kringum Florian Wirtz,“ sagði Hoeness.

„Ég vorkenni honum. Í Leverkusen fór allt í gegnum hann, í Liverpool fær hann fimm sendingar í hálfleik, og ef hann tapar boltanum tvisvar fær hann lélega einkunn.“

Hann bætti við að Liverpool væri orðið lið full af ofurstjörnum sem vildu allar halda boltanum. „Þeir þurfa bráðum fimm bolta, Salah, Szoboszlai og hinir ætla sér ekki að sleppa honum.“

Hoeness hefur þó andúð á málinu enda reyndi Bayern mjög að fá Wirtz síðasta sumar áður en Liverpool keypti hann fyrir 116 milljónir punda.

Að hans sögn hafi faðir leikmannsins, Hans-Joachim Wirtz, persónulega hringt til að tilkynna að sonurinn myndi hafna Bayern.