Manchester United hefur varað við sívaxandi vandamáli með miðabrask sem hefur leitt til hótana og yfirgangs gegn starfsfólki félagsins.

Að sögn United hafa stuðningsmenn grátið eftir að hafa komist að því að miðar sem þeir keyptu fyrir leiki á Old Trafford voru falsaðir eða ekki til, miðabraskar selja þá oft mörgum sinnum. Eitt dæmi sýnir að stuðningsmaður borgaði 900 pund fyrir miða á útisvæði gegn Liverpool.

Endursala miða er ólögleg í Bretlandi, en þetta gildir ekki um fyrirtæki erlendis, sem gerir baráttuna erfiða. Braskið hefur færst yfir á Facebook og WhatsApp, þar sem auðvelt er að fela raunverulega aðila og erfitt að koma upp um þá.

Á fyrsta hluta tímabilsins hefur félagið stöðvað eða ógilt 22 þúsund miða og lokað fyrir rúmlega 4.500 notendur.

United telur að 10–15% af 47.000 ársmiðum félagsins séu í höndum braskara.