KSÍ hefur nú staðfest að A-landslið karla muni leika vináttuleik við Skotland á Hampden Park í Glasgow 6. júní næstkomandi.
Þar kemur einnig fram að unnið sé að staðfestingu annars vináttuleiks í sama glugga og verður hann tilkynntur eins fljótt og hægt er.
Um verður að ræða annan landsliðsgluggann með Arnar Gunnlaugsson, nýjan landsliðsþjálfara, í brúnni. Það fyrsta verður gegn Kósóvó í umspili um að halda sæti í B-deild Þjóðadeildarinnar í mars. Undankeppni HM tekur svo við í haust.
Ísland og Skotland hafa mæst sex sinnum áður í A landsliðum karla og hafa Skotar unnið alla leikina. Seinustu viðureignir voru í undankeppni HM 2010 og vann skoska liðið þá 2-1 sigur í báðum leikjum.
