fbpx
Mánudagur 10.febrúar 2025
433Sport

Sölvi stoltur og hlakkar til komandi tíma – „Mig er búið að gruna þetta“

Helgi Fannar Sigurðsson
Mánudaginn 20. janúar 2025 15:09

Ekki missa af Helstu tíðindum dagsins í pósthólfið þitt

Lesa nánar

Sölvi Geir Ottesen var í dag kynntur til leiks sem nýr þjálfari karlaliðs Víkings. Tekur hann við af Arnari Gunnlaugssyni, sem er nýr þjálfari íslenska karlalandslisðins.

Það hefur legið í loftinu í töluverðan tíma að Sölvi, sem var aðstoðarmaður Arnars í Víkinni, tæki við liðinu. Sjálfur er hann stoltur og undirbúinn fyrir komandi átök.

„Mér líður frábærlega með þetta og er virkilega stoltur af þessu. Ég er þakklátur fyrir traustið sem þeir hafa sýnt mér, að fá að halda áfram á þessari vegferð sem við Víkingar eru á.

Mig er búið að gruna þetta alveg síðan Arnar fór í viðræður við Norrköping í fyrra. Ég er búinn að vera í startholunum síðan þá. Maður vissi að fyrst hann fór ekki í fyrra að hann myndi fara eitthvað annað. Árangur hans með Víkingi hefur bara sýnt það að hann er frábær þjálfari og það voru algjör forréttindi að fá að vinna með honum. Hann er ekki bara frábær þjálfari heldur líka frábær vinur og einstaklingur,“ sagði Sölvi í samtali við 433.is í dag.

video
play-sharp-fill

Sem fyrr segir var Sölvi aðstoðarmaður Arnars og þekkir því hvern krók og kima í Fossvoginum.

„Manni líður svo vel hérna. Allt í kringum meistaraflokkinn og félagið, þetta eru harðir stuðningsmenn og Víkingar inn að beini sem eru hérna. Við stefnum öll að sama markmiði og það er svo mikil samheldni innan klúbbsins, á skrifstofunni og hjá stuðningsmönnum. Þetta er svo vel tengt. Svo bý ég líka í hverfinu og það er eitthvað svo gott að vera Víkingur núna. Ég gæti ekki óskað mér neins meira.“

Sölvi er á leið í alvöru verkefni með Víkinga eftir tæpan mánuð. Mætir liðið gríska stórliðinu Panathinaikos í útsláttarkeppni Sambandsdeildarinnar eftir frábæran árangur í deildarkeppninni fyrir áramót.

„Það leggst mjög vel í mig. Þetta er búið að vera skrýtið undirbúningstímabil. Við getum ekki verið á æfingasvæðinu og tekið því rólega eins og er oft á undirbúningstímabili. Við verðum bara strax að setja í fimmta gír og keyra á þetta. Við þurfum að vera klárir ef við ætlum að eiga einhvern séns á móti þeim,“ sagði Sölvi um verkefnið.

Sölvi sagði svo enn fremur að markmið næsta tímabils væri að endurheimta báða titlana hér heima, en ítarlegra viðtal er í spilaranum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 13 klukkutímum

Allt sem Ronaldo segir í viðtölum er satt

Allt sem Ronaldo segir í viðtölum er satt
433Sport
Fyrir 14 klukkutímum

Jafnaði ótrúlegt met um helgina – Ósigrandi á útivelli

Jafnaði ótrúlegt met um helgina – Ósigrandi á útivelli
433Sport
Fyrir 17 klukkutímum

Ummæli Guardiola vekja athygli: ,,Velkominn í ensku úrvalsdeildina“

Ummæli Guardiola vekja athygli: ,,Velkominn í ensku úrvalsdeildina“
433Sport
Fyrir 17 klukkutímum

Búinn að skora jafnmörg mörk hjá nýja liðinu og hann gerði á tveimur tímabilum í Manchester

Búinn að skora jafnmörg mörk hjá nýja liðinu og hann gerði á tveimur tímabilum í Manchester
433Sport
Í gær

Staða landsliðsins skoðuð – „Við eigum meiri möguleika með Arnar“

Staða landsliðsins skoðuð – „Við eigum meiri möguleika með Arnar“
433Sport
Í gær

Lengjubikarinn: Patrick með þrennu fyrir Val – Blikum mistókst að vinna

Lengjubikarinn: Patrick með þrennu fyrir Val – Blikum mistókst að vinna
433Sport
Í gær

Ummæli fyrrum leikmanns Arsenal vekja athygli – Telur að stuðningsmenn muni láta Arteta heyra það

Ummæli fyrrum leikmanns Arsenal vekja athygli – Telur að stuðningsmenn muni láta Arteta heyra það
433Sport
Í gær

Aron viðurkennir að hafa ætlað sér stærri hluti – „Það er mesta pressan þarna, það er bara staðreynd“

Aron viðurkennir að hafa ætlað sér stærri hluti – „Það er mesta pressan þarna, það er bara staðreynd“
Hide picture