Fenerbache hefur raunverulegan áhuga á því að fá Jadon Sancho kantmann Manchester United í sínar raðir.

United vill 25 milljónir punda fyrir Sancho en Fenerbache er með talsverða fjármuni til að eyða í sumar.

Launapakki Sancho ætti ekki að vera vandamál þar enda eru skattar í Tyrklandi nokkuð minni en á Englandi.

Sancho hefði mestan áhuga á því að vera áfram á Englandi eða fara aftur til Dortmund, það er ekki líklegt eins og er.

Ben Jacobs segir að mestar líkur séu á því að Sancho fari til Fenerbache eða til Sádí Arabíu. Þar eru bæði Al-Ahli og Al-Qadsiah sem hafa áhuga á Sancho.

Sancho neitaði að vera áfram hjá Chelsea þar sem félagið vildil lækka launin sem hann er með hjá United.