Carlos Vela hefur staðfest það að hann sé búinn að leggja skóna á hilluna 36 ára gamall en þessi ákvörðun kemur þónokkrum á óvart.

Vela varð 36 ára gamall í mars á þessu ári en hefur verið án félags síðan í fyrra eftir að hafa yfirgefið Los Angeles FC í Bandaríkjunum.

Vela er talinn vera einn besti leikmaður í sögu MLS deildarinnar í Bandaríkjunum en hann lék þar í sex ár eftir komu frá Real Sociedad á Spáni.

Vela var einnig frábær fyrir Sociedad en hann er fyrrum undrabarn Arsenal og var hjá enska félaginu frá 2005 til 2012.

Mexikóinn hefur ákveðið að sleppa því að finna sér nýtt félag og eru skórnir komnir á hilluna fyrir fullt og allt.