Sænska goðsögnin Olof Mellberg hefur fengið sparkið frá félagsliðinu St. Louis City sem spilar í MLS deildinni í Bandaríkjunum.

Mellberg er fyrrum sænskur landsliðsmaður en hann ehfur undanfarin tíu ár reynt fyrir sér í þjálfarabransanum.

Nökkvi Þeyr Þórisson er leikmaður St. Louis en hann er í dag á lánssamningi hjá Sparta Rotterdam í Hollandi.

Athygli vekur að Mellberg var rekinn eftir aðeins 15 leiki við stjórnvölin en stjórn félagsins fékk nóg eftir 1-0 tap gegn Colorado Rapids um heigna.

Af 15 leikjum þá mistókst St. Louis að skora í átta af þeim undir stjórn Mellberg sem tók við í nóvember.

Mellberg gerði garðinn frægan á Englandi en hann lék með Aston Villa sem leikmaður í um átta ár.