Lauryn Goodman er nafn sem margir eru farnir að kannast við en hún hefur verið í ansi mörgum fréttum bæði hérlendis og erlendis.
Um er að ræða hjákonu stórstjörnunnar Kyle Walker sem leikur með Manchester City en Walker er giftur konu að nafni Annie Kilner.
Walker hefur oftar en einu sinni haldið framhjá Annie en vill alltaf meina að hann sjái eftir því að hafa haldið framhjá en Lauryn tekur þau ummæli ekki í mál.
Hún opnaði sig í viðtali við enska miðla um helgina og er ljóst að Walker er ekki í frábærum málum eftir þessi ummæli barnsmóður hans.
,,Hann sagði við mig: ‘Við getum haldið þessu okkar á milli,’ sagði Lauryn í samtali við the Sun.
,,Stuttu áður hafði hann sagt fjölmiðlum að hann hefði gert heimskuleg mistök og sá eftir okkar sambandi en aðeins örfáum dögum fyrir það þá sá hann hlutina ekki eins, hann vildi hitta mig leynilega.“
,,Þetta gerðist þann 17. desember. Hann sendi mér skilaboð og sagði að það væri synd að við hefðum ekki hist fyrr, því hann var með herbergi bókað á Rosweood hótelinu.“
,,Hann sagði meira að segja við mig að við gætum sofið saman þar. Hljómar það eins og maður sem sér eftir sambandi?“
