Í þættinum var TM mótið í Vestmannaeyjum tekið fyrir, en þar etja kappi stelpur í 5. flokki. Í innslaginu með Guðna var hann meðal annars spurður út í hvernig hann væri á hliðarlínunni þegar hann horfir á dóttur sína spila.
„Ég er pollrólegur. Mér finnst að þau sem geta ekki leyft börnunum að vera í friði, og þá ég líka við ungmennin sem eru að dæma, þau ættu bara að vera heima. Sem betur fer er þetta minnkandi en alltaf finnst mér eins leiðinlegt að sjá fólk sem heldur að það sé betra að hrópa á dómara eða fjarstýra krökkunum,“ sagði Guðni.
„Ég hef því miður séð foreldra sem telja að það sé í þeirra verkahring að segja krökkunum hvað þau eiga að gera inn á vellinum. Það skilar yfirleitt ekki góðum árangri. Það eru undantekningar það er miklu meira um jákvæðni, gleði og fjör.“
