Ousmane Dembele hefur viðurkennt það að hann njóti sín betur hjá Paris Saint-Germain en hann gerði hjá spænsku risunum, Barcelona.
Dembele gekk í raðir PSG fyrir síðasta tímabil og skoraði alls sex mörk í 46 leikjum í vetur.
Dembele segist fá meira frelsi sem leikmaður í París en að hlutverkið hafi verið allt öðruvísi á Spáni.
Frakkinn var hjá Barcelona í sex ár og skoraði alls 40 mörk í 185 leikjum.
,,Munurinn er að Luis Enrique gefur mér mikið frelsi. Hjá Barcelona þá var ég fastur á vængnum,“ sagði Dembele.
,,Hjá PSG þá get ég spilað hvar sem er, ég get verið tía, á vængnum eða fölsk nía. Ég fékk meira frelsi seinni hluta tímabils.“