Axel Óskar Andrésson, varnarmaður KR, var gestur í nýjasta þætti af Íþróttavikunni. Helgi Fannar Sigurðsson og Hrafnkell Freyr Ágústsson hafa umsjón með þættinum.
Það er risaleikur á dagskrá í Bestu deild karla í kvöld þegar Víkingur tekur á móti Breiðabliki. Mikil læti voru í leik liðanna á Kópavogsvelli í fyrra þar sem átök brutust út eftir leik.
Meira
Sjáðu slagsmálin í Kópavogi: Logi hrinti aðstoðarþjálfara Blika í jörðina – Allt sauð svo upp úr
Þá var einnig mikið fréttafár í kringum leik liðanna í Víkinni, þar sem Blikar mættu á rútu rétt fyrir leik vegna aðstöðunnar í gestaklefanum í Víkinni.
„Ég er brattur og sérstaklega eftir að hafa séð Víking á móti Fram. Ég held að Blikarnir geti alveg tekið þennan leik,“ sagði Blikinn Hrafnkell í þættinum.
Axel segir að það gæti orðið hiti í leiknum, þó kannski ekki alveg eins og í fyrra.
„Þetta eru alltaf ótrúlega skemmtilegir leikir. Það verður alveg eitthvað, kannski ekki eins mikið,“ sagði hann.
„Það verður erfitt að toppa þetta í Kópavoginum í fyrra,“ skaut Helgi inn í.
Umræðan í heild er í spilaranum.