Sveinn Gísli Þorkelsson hefur framlengt samning sinn við Knattspyrnudeild Víkings út árið 2028.
Sveinn er varnarmaður, fæddur árið 2003 og kom til félagsins frá ÍR árið 2023.
Hann hefur síðan leikið 32 leiki fyrir Víking, þar af 3 í Evrópukeppni og skorað eitt mark.
„Sveinn Gísli er mjög efnilegur hafsent en getur spilað vinstri bakvörð sömuleiðis. Við bindum miklar væntingar við Svein Gísla og það verður gaman að fylgjast með honum vaxa og dafna hér í Hamingjunni næstu árin,“ segir Kári Árnason, yfirmaður knattspyrnumála hjá Víking.
