Eins og greint hefur verið frá þá er Gary Lineker að hætta hjá BBC Sport en hann hefur verið þáttastjórnandi Match of the Day undanfarin ár.
Lineker hefur staðið sig með prýði í því starfi en BBC hefur ákveðið að breyta til og mun bjóða upp á nýtt teymi á næsta ári.
Lineker verður áfram í starfi hjá BBC þar til 2026 en hann mun fjalla um HM 2026 sem fer fram í Bandaríkjunum, Kanada og Mexíkó.
Samkvæmt nýjustu fregnum var Lineker tilbúinn að gera mikið til að halda starfi sínu hjá BBC og taka á sig 62 milljóna króna launalækkun.
Lineker var tilbúinn að lækka launin um 350 þúsund pund á ári en hann þénar 1,3 milljónir punda í starfinu í dag.
BBC hafnaði kröfu Lineker en stefnt er að því að breyta algjörlega um umhverfi fyrir næsta tímabil í ensku úrvalsdeildinni.
