Chelsea 1 – 1 Arsenal
0-1 Gabriel Martinelli(’60)
1-1 Pedro Neto(’70)
Stórleik helgarinnar í ensku úrvalsdeildinni er nú lokið en Chelsea fékk þar Arsenal í heimsókn.
Það var ekki of mikið um opin tækifæri í þessum leik en bæði lið fengu sénsa til að skora í fyrri hálfleik.
Fyrsta markið var skorað á 60. mínútu er Gabriel Martinelli skoraði eftir flotta sendingu frá Martin Ödegaard.
Robert Sanchez í marki Chelsea hefði mögulega átt að gera betur en Martinelli var í þröngu færi og kom boltanum í netið á nærstöngina.
Það var svo Pedro Neto sem tryggði Chelsea stig í leiknum en hann átti flott skot fyrir utan teig sem David Raya réð ekki við.
Lokatölur 1-1 á Stamford Bridge og má segja að úrslitin séu sanngjörn.
