Annie Kilner eiginkona Kyle Walker fyrirliða Manchester City giftist honum til þess eins að tryggja sig fjárhagslega, hún var á því að samband þeirra myndi ekki endast ævilangt.

Walker og Annie hafa verið saman frá 16 ára aldri en Annie er 31 árs gömul í dag. Hún hefur frá árinu 2019 velt málunum fyrir sér.

Annie sparkaði þá Walker út af heimili þeirra eftir að hann hafði barnað Lauryn Goodman í fyrsta sinn.

Walker fékk að koma aftur heim og ákvað parið þá að gifta sig árið 2021 en ensk blöð hafa komist yfir skilaboð frá Annie þar sem hún fer yfir málin.

„Þetta er sama helvítis vesenið á honum og hefur verið í tíu ár,“ sagði Annie í skilaboðum árið 2019 en þá hafði Walker ítrekað haldið framhjá henni.

Hún bað svo vin sinn um ráð hvernig hún gæti tryggt sig fjárhagslega. Nú hefur komið í ljós að gifting var það ráð sem hún fékk, þannig myndi hún tryggja sér helming af eignum hans.

Walker hefur þénað rosalegar upphæðir í hverjum mánuði í mörg ár og er talið að Annie muni fá tæpa 3 milljarða ef þau ákveða að skilja.

„Fólk heldur að Annie sé vitlaus en hún er klár, hún vissi að hún þyrfti að giftast Kyle til að fá peningana,“ segir heimildarmaðurinn.

Annie hefur hleypt Walker aftur heim eftir marga mánuði þar sem hann fékk ekki að koma heim en Walker barnaði þá Goodmann í annað sinn og á hann tvö börn með henni.

Nú krefst Kilner þess að fá helming af öllum fjármunum á sína reikninga, vill hún ekki sjá peninga sem þau eiga saman fara í að borga meðlag til Goodman.

Óvíst er hvort parið skilji en ljóst er að Kilner hefur látið ýmislegt yfir sig ganga en hún og Walker eiga fjögur börn saman.