Atletico Madrid er að tryggja sér þjónustu spænska landsliðsmannsins Robin Le Normand samkvæmt helstu miðlum.
Le Normand hefur verið á mála hjá Real Sociedad undanfarin fimm ár og er lykilmaður þar. Þá hefur miðvörðurinn byrjað alla leiki Spánar á EM í Þýskalandi til þessa, en liðið er komið í 8-liða úrslit.
Þrátt fyrir að vera spænskur landsliðsmaður er hinn 27 ára gamli Le Normand fæddur í Frakklandi og spilaði hann þar á yngri árum.
Atletico mun borga Sociedad um 30 milljónir evra fyrir þjónustu Le Normand.
