Albert Guðmundsson lagði upp mark í 2-0 sigri Genoa á Bologna í lokaleik tímabilsins í kvöld. Það var nóg að gera hjá honum eftir leik eins og hann sýndi frá á Instagram.
Genoa hafnar í ellefta sæti Serie A sem nýliði og var Albert skærasta stjarna liðsins. Hefur hann verið orðaður við fjölda stórliða, bæði innan Ítalíu og utan, fyrir sumarið.
Eftir leik í kvöld var Albert virkur á Instagram og endurbirti myndir og myndbönd. Þar má meðal annars sjá unga stuðningsmenn æsta í að bera sinn mann augum.
Albert var í fréttum fyrr í dag þar greint var frá því að hann yrði ákærður fyrir kynferðisbrot. Málið hafði verið látið niður falla hjá héraðssaksóknara en var sú niðurstaða kærð og hefur ríkissaksóknari nú fellt hana.
Hann var þó í byrjunarliði Genoa í kvöld og sem fyrr segir lagði hann upp mark.
Hér að neðan má sjá myndir og myndbönd sem Albert birti á Instagram í kvöld.
