Liverpool, Manchester United og Manchester City falla öll niður á lista Deloitte sem tekur saman tekjur allra knattspyrnuliða í Evrópu.

Real Madrid tekur toppsætið af City en félagið var með 723 milljónir punda í tekjur á síðustu leiktíð.

Það er fimm milljónum punda meira en Manchester City sem vann þrennuna frægu á síðustu leiktíð.

Tekjur PSG og FC Barcelona voru miklar en Manchester United var með 648 milljónir punda í tekjur.

Liverpool fellur úr þriðja sæti og niður í sjöunda sæti listans en tekjur félagsins voru minni en tímabilið þar á undan.

Möguleiki er á að tekjur Liverpool minnki aftur á milli tímabila þar sem Liverpool var ekki í Meistaradeildinni á þessu tímabili.

Þetta eru tíu tekjuhæstu knattspyrnufélög í heimi.