Íslenska karlalandsliðið mætir Lúxemborg ytra nú klukkan 18:45 í undankeppni EM 2024. Byrjunarlið Íslands er klárt.
Strákarnir okkar eru aðeins með þrjú stig í undanriðlinum það sem af er og þurfa nauðsynlega á sigri að halda.
Lykilmenn á borð við fyrirliðann Aron Einar Gunnarsson og Sverri Inga Ingason vantar í lið Íslands í dag. Þá er Albert Guðmundsson ekki með þar sem hans mál er á borði lögreglu og má því ekki velja hann á meðan samkvæmt reglum KSÍ.
Willum Þór Willumsson er þá í banni eftir að hafa fengið rautt spjald gegn Portúgal í síðasta leik.
Inn í liðið frá leiknum gegn Portúgal koma þeir Sævar Atli Magnússon, Kolbeinn Birgir Finnsson og Hákon Arnar Haraldsson. Koma þeir inn fyrir Albert, Sverri og Willum.
Byrjunarlið Íslands
Rúnar Alex Rúnarsson
Valgeir Lunddal Friðriksson
Guðlaugur Victor Pálsson
Hörður Björgvin Magnússon
Kolbeinn Birgir Finsson
Hákon Arnar Haraldsson
Jóhann Berg Guðmundsson
Arnór Ingvi Traustason
Jón Dagur Þorsteinsson
Alfreð Finnbogason
Sævar Atli Magnússon
