Freyr Alexandersson og hans menn í Lyngby gátu svo sannarlega brosað í gær eftir markalaust jafntefli við Horsens.
Jafnteflið þýðir að Lyngby heldur sér í efstu deild eftir að AaB og Silkeborg gerðu einnig jafntefli í lokaumferðinni.
Margir voru búnir að dæma Lyngby niður fyrr á leiktíðinni en útlitið var alls ekki gott um tíma.
Freyr náði hins vegar að snúa gengi liðsins við en framtíð hans er óljós og er óvitað hvað tekur við eða hvort hann haldi áfram þjálfun þar.
Með liðinu leikur einnig Sævar Atli Magnússon en hann er einn af þremur Íslendingum hjá félaginu – hinir tveir eru þeir Alfreð Finnbogason og Kolbeinn Finnsson.
Sævar sendi skemmtileg skilaboð á þjálfara sinn eftir leikinn í gær þar sem hann spyr hvenær æfingin á morgun er – að sjálfsögðu með bjór í hönd í fagnaðarlátunum.
Coach, klukkan hvað er æfing á morgun? pic.twitter.com/aoIpCjizO1
— Sævar Atli Magnússon (@saevaratli7) June 3, 2023
