Scott McTominay var hetja Skotlands er liðið vann 2-0 sigur á Spáni í undankeppni Evrópumótsins í kvöld. McTominay skoraði bæði mörk Skota.
McTominay hefur verið sjóðandi heitur í þessu verkefni og skoraði einnig tvö mörk í fyrsta leiknum gegn Kýpur.
Luis De La Fuente gerði níu breytingar á byrjunarliði Spánar frá sigri á Noregi og fær væntanlega mikla gagnrýni fyrir liðsvalið sitt.
Í þessum sama riðli var Noregur á útivelli gegn Georgíu og náði aðeins í jafntefli. Á sama tíma er Skotland með fullt hús stiga en Noregur aðeins stig, búist er við að þessi lið berjist um annað sætið í riðlinum.
Sviss vann öruggan sigur á Ísrael í kvöld og þá tapaði Tyrkland á heimavelli gegn sterku liði Króata.
Úrslit kvöldsins:
Kósóvó 1 – 1 Andorra
Rúmenía 2 – 1 Belarús
Sviss 3 – 0 Israel
Wales 1 – 0 Lettland
Tyrkland 0 – 2 Króatía
Skotland 2 – 0 Spánn
Georgía 1 – 1 Noregur