31 árs gamall karlmaður hefur verið ákærður fyrir ógeðfellt athæfi á leik Sheffield Wednesday og Sunderland í ensku B-deildinni um helgina.
Maður að nafni Dale Houghton, stuðningsmaður Wednesday, var handtekinn eftir leik liðanna á laugardag fyrir að hæðast að stuðningsmönnum Sunderland með því að veifa mynd af Bradley Lowery á síma sínum á vellinum.
Bradley var mikill stuðningsmaður Sunderland en hann lést úr krabbameini 2017, aðeins sex ára gamall.
Hann vann sig inn í hug og hjörtu heimsins með baráttu sinni við krabbameinið og átti einstakt vinasamband við Jermaine Defoe, þá leikmann Sunderland. Þá hjálpaði Bradley til við að safna meira en milljón punda í góðgerðamál.
Houghton hefur nú verið ákærður fyrir athæfi sitt og mætir hann fyrir rétt í Sheffield í dag.
Móðir Bradley ræddi við fjölmiðla og þakkar hún Wednesay fyrir viðbrögð sín. Stuðningsmannahópur kvennaliðsins hefur til að mynda sett af stað söfnun fyrir góðgerðasjóð sem er í nafni Bradley.
