Frank Lampard hefur tjáð sig eftir að hafa verið rekinn frá Everton á dögunum.

Hann hafði verið við stjórnvölinn í um ár en árangur liðsins á þessari leiktíð hingað til er ekki ásættanlegur. Liðið er í næst neðsta sæti.

„Þegar ég kom til Everton í fyrra vissi ég að staðan væri erfið og ég verð alltaf stoltur af þeirri ótrúlegu vinnu sem við unnum og stuðningnum frá öllum sem varð til þess að við héldum okkur uppi á síðustu leiktíð,“ segir Lampard.

„Ég vil þakka öllum sem tóku þátt er allt félagið sameinaðist. Ég mun aldrei gleyma ótrúlegum kvöldum eins og á móti Palace sem við deildum. Ég vil þakka öllum stuðningsmönnum Everton fyrir hvernig þið tókuð á móti mér, starfsfólki mínu og fjölskyldu.“

Lampard óskar félaginu góðs gengis í framtíðinni.

„Þetta er sérstakt félag með stórt hjarta og ótrúlega sögu. Ég er vonsvikinn yfir því að við höfum ekki getað náð lengra saman. Ég óska öllum hjá félaginu alls hins besta fyrir framtíðina.“

Enski boltinn á 433 er í boði