Erling Braut Haaland var gripinn í símanum undir stýri í Manchester á dögunum.
Atvikið átti sér stað daginn eftir að stjarnan unga skoraði fimm mörk fyrir Manchester City gegn RB Leipzig í Meistaradeild Evrópu.
Norski framherjinn keyrði um á rándýrri Rolls-Royce bifreið sinni og mátti sjá greinilega að hann horfði í símann.
Refsingin fyrir að nota síma undir stýri í Bretlandi er almennt 200 punda sekt og sex punktar í ökuskírteinið.
Haaland gekk í raðir City í sumar frá Borussia Dortmund. Hann hefur verið hreint stórkostlegur fyrir félagið og raðað inn mörkum.
Fái hann sekt er ljóst að hann mun ekki eiga í miklum vandræðum með að borga hana. Haaland þénar um 375 þúsund pund á viku.
Erling Haaland caught using phone while driving £300k Rolls-Royce https://t.co/CIdpxdAkYc pic.twitter.com/At0YM1us73
— The Sun Football ⚽ (@TheSunFootball) March 27, 2023