Ibrahima Baldé, 27 ára senegalskur leikmaður hefur gengið til liðs við Lengjudeildarlið Vestra. Þetta kemur fram í tilkynningu frá félaginu.

,,Ibrahima er stór og stæðilegur miðjumaður sem kemur frá Senegal en hann er með Spænskt ríkisfang. Kemur hann til liðs við okkur frá EL Palo á Spáni og er nú þegar kominn til landsins,“ segir í tilkynningu Vestra.

Vestramenn hafa verið duglegir að bæta leikmönnum við leikmannahóp sinn undanfarið en liðið er á leið inn í sitt fyrsta tímabil undir stjórn Davíðs Smára Lamude.

Vestri endaði í 10. sæti Lengjudeildarinnar á síðasta tímabili.