Toni Kroos, leikmaður Real Madrid, vonar að ‘Ofurdeildin’ verði að veruleika og taki yfir Meistaradeildina sem er undir stjórn UEFA.

UEFA er ansi umdeilt samband en Kroos telur að það gæti hjálpað stærstu liðum heims að fá inn nýja keppni þar sem 60 til 80 lið myndu spila.

Þjóðverjinn er klárlega enginn aðdáandi UEFA en Ofurdeildin var áður í plönum fyrir tveimur árum síðan áður en mörg félög tóku ákvörðun sína til baka um að taka þátt.

Á þeim tíma áttu aðeins 12 lið að taka þátt en fyrirkomulagið hefur breyst og nú er áætlað að allt að 80 lið muni fá þátttökkurétt.

,,Ég tel að við munum fá að sjá Ofurdeildina og ég trúi því vegna nokkra ástæðna. Breytingar hafa átt sér stað og Ofurdeildin á skilið að fá séns,“ sagði Kroos.

,,Ef þú horfir á þetta frá báðum sjónarhornum þá sérðu að UEFA er ekki frábært samband fyrir fótboltann.“

,,Þetta er keppni, opin keppni en er í stjórn félaganna og ekki UEFA því félögin telja að þau þurfi ekki á UEFA að halda. Ég tel að þetta eigi skilið tækifæri.“