Samkvæmt helstu miðlum erlendis hafa þau Gabriel Jesus og Raiane Lima slitið sambandi sínu. Þau höfðu verið saman í eitt og hálft ár.

Hinn 25 ára gamli Jesus er knattspyrnumaður og framherji hjá enska úrvalsdeildarliðinu Arsenal.

Fjölmiðlar í Brasilíu sögðu upphaflega frá því að þau væri hætt saman. Lima, sem er fjórum árum yngri en Jesus, staðfesti tíðindin síðar á Instagram en eyddi svo færslunni.

„Áður en slúðrið fer á flug við ég láta ykkur vita að við Gabriel erum ekki lengur par,“ stóð í færslunni sem nú er horfin.

„Þeir sem vilja dæma gera það. Þeir sem vilja fagna gera það (sérstaklega fjölskyldumeðlimir).

Það voru engin svik. Það var bara svo mikil pressa frá öllu og öllum. Við náðum vel saman en vandamál annara náðu alltaf til okkar. Ég get þetta ekki lengur og ætla ekki að pína mig í eitthvað sem er að drepa mig.“

Það eru aðeins átta mánuðir síðan Lima og Jesus eignuðust dótturina Helenu.

Lima hefur fjarlægt allar myndir af þeim Jesus af Instagram.