Jurgen Klopp, stjóri Liverpool, gerði stór mistök í gær er hans menn gerðu 2-2 jafntefli við Fulham.
Þetta segir fyrrum miðjumaðurinn Jamie O’Hara en hann er þekktastur fyrir tíma sinn hjá Tottenham.
Darwin Nunez byrjaði 2-2 jafnteflið á bekknum í gær sem voru mistök af hálfu Klopp að sögn O’Hara en hann kom inná í seinni hálfleik og skoraði fyrra mark liðsins.
,,Þetta voru slæm úrslit fyrir Liverpool, þú gerir ekki jafntefli við Fulham í fyrsta leik tíambilsins ef þú vilt vinna titilinn,“ sagði O’Hara.
,,Að mínu mati þá þurfti Nunez að byrja þennan leik, þetta var mjög svekkjandi ákvörðun frá Jurgen Klopp.“
,,Hann kom inn af bekknum og lét til sín taka. Ef hann hefði byrjað hefði Liverpool örugglega unnið sannfærandi.“
Enski boltinn á 433 er í boði 
