Thomas Tuchel, stjóri Chelsea, hefur staðfest það að Marcos Alonso sé á förum frá félaginu en hann lék ekki gegn Everton í 1-0 sigri í dag.
Tuchel og hans menn unnu opnunarleikinn en Alonso tók engan þátt og er á leið til Barcelona.
Tuchel bætir við að hann vilji fá inn fleiri nýja leikmenn áður en glugginn lokar í lok mánaðarins.
Chelsea hefur styrkt sig í sumar og hefur fengið varnarmennina Marc Cucurella og Kalidou Koulibaly sem og Raheem Sterling í sóknina.
,,Já Marcos bað um að fá að fara og við samþykktum það. Það var ekkert vit í að nota hann í dag,“ sagði Tuchel.
,,Ef við getum bætt við okkur fleiri leikmönnum þá gerum við það. Ekki endilega miðjumönnum en við erum opnir fyrir öllu.“
,,Við gætum notað nýja orku og ferskar fætur til að koma okkur á næsta stig. Ef það gerist ekki þá notum við þetta lið en við gætum notað eitthvað nýtt og meiri gæði.“
Enski boltinn á 433 er í boði 
