Framtíð Cristiano Ronaldo er í lausu lofti en framherjinn hefur krafist þess að fara frá félaginu nú í sumar.
Það er þó galli á gjöf njarðar að ekkert félag virðist reiðubúið að semja við þennan 37 ára framherja.
Ronaldo vill fara í félag sem spilar í Meistaradeildinni en Bayern, Chelsea, Atletico Madrid og fleiri félög hafa afþakkað boðið.
Ronaldo birti mynd af sér á æfingu United í gær. „Mikil vinna skilar sér alltaf,“ segir Ronaldo og birtir mynd af sér á æfingu.
Ronaldo var á varamannabekk United í fyrsta leik þegar liðið tapaði gegn Brighton en búist er við honum í byrjunarliðinu gegn Brentford um helgina.
Enski boltinn á 433 er í boði 
