Bandaríski miðjumaðurinn Tyler Adams er genginn til liðs við Leeds United frá RB Leipzig í Þýskalandi.
Leeds greiðir þýska félaginu 20 milljónir punda fyrir miðjumanninn.
Hinn 23 ára gamli Adams mun koma til með að leysa Kalvin Phillips af hólmi. Sá yfirgaf Leeds fyrir Manchester City á dögunum.
Adams hafði verið á mála hjá Leipzig síðan 2019, þar áður var hann hjá New York Red Bulls í heimalandinu.
Hann á að baki 30 leiki fyrir bandaríska A-landsliðið.
Adams vann með Jesse Marsch, stjóra Leeds, hjá Leipzig í fyrra.
Leeds bjargaði sér naumlega frá falli úr ensku úrvalsdeildinni á síðustu leiktíð.
🤩 Welcome @tyler_adams14! pic.twitter.com/OA07pxsu8f
— Leeds United (@LUFC) July 6, 2022