Real Madrid er að framlengja við hinn efnilega Rodrygo en fjölmargir spænskir miðlar greina frá þessu.
Rodrygo skoraði níu mörk fyrir Real í öllum keppnum í fyrra en núverandi samningur hans gildir til 2025.
Rodrygo mun skrifa undir til ársins 2028 og verður kaupákvæði í samningi hans upp á einn milljarð evra.
Það er því ekki mikil hætta á því að Real muni missa Brasilíumanninn sem er ekki sá eini sem Real er að framlengja við.
Vinicius Junior er einnig í viðræðum við Real en hann er einn mikilvægasti leikmaður liðsins í sókninni.
Báðir leikmennirnir spiluðu stórt hlutverk hjá Real á síðustu leiktíð er liðið vann spænsku deildina og Meistaradeildina.