Sóknarmaðurinn Andrea Belotti er fáanlegur á frjálsri sölu eftir að hafa yfirgefið Torino á Ítalíu.
Torino gaf frá sér tilkynningu í gær og staðfestir þar að Belotti hafi ekki viljað framlengja samning sinn við félagið.
Samningur Belotti vð Torino rann út í gær og er hann því frjáls ferða sinna í sumar.
Belotti er 28 ára gamall sóknarmaður og hefur skorað 100 deildarmörk í 232 leikjum fyrir Torino á sjö árum.
Hann hefur margoft verið orðaður við ensk félög en hefur ekki tekið ákvörðun um framtíðina að svo stöddu.
Um er að ræða ítalskan landsliðsmann sem hefur skorað 12 mörk í 44 landsleikjum.