fbpx
Miðvikudagur 17.ágúst 2022
433Sport

Víkingur kveður Kristal sem hefur spilað sinn síðasta leik – „Alltaf sussandi velkominn í hamingjuna“

Helgi Sigurðsson
Föstudaginn 29. júlí 2022 15:07

Kristall Máni Mynd/Valgardur Gislason

Ekki missa af Helstu tíðindum dagsins í pósthólfið þitt

Lesa nánar

Kristall Máni Ingason verður ekki með Víkingi Reykjavík þegar liðið mætir Stjörnunni í Bestu deild karla á morgun. Hann hefur því leikið sinn síðasta leik fyrir félagið. Víkingur staðfestir þetta.

Kristall Máni samdi á dögunum við Rosenborg í Noregi. Hann heldur nú þangað.

Kristall hefur farið á kostum með Víkingum undanfarin tvö tímabil. Víkingur sendir frá sér yfirlýsingu, þar sem félagið kveður leikmanninn:

Kristall Máni kveður Víking!
Það er vel við hæfi að síðasti leikur Kristals Mána hafi verið í Evrópukeppninni, þar sem hann tryggði okkur Víkingum sæti í þriðju umferð Sambandsdeildarinnar með öllum mörkunum í sigri á TNS.
Kristall Máni kveður Víking sem sá markahæsti í Evrópu með 5 mörk í 5 leikjum.
Kristall hefur vaxið mjög sem leikmaður frá því að hann kom til félagsins fyrir 2 árum. Hann var kosinn efnilegasti leikmaður Pepsi deildarinnar árið 2021, árinu sem gaf okkur Íslands og Bikarmeistaratitla. Hann var algjör lykilmaður og tók þátt í öllum leikjum tímabilsins, utan eins og skoraði 6 mörk.
Í ár hefur Kristall sprungið út sem nær fullmótaður knattspyrnumaður sem hefur náð frábærum árangri í Evrópukeppninni, í deildinni og í bikarkeppninni. Sömuleiðis hófst glæstur A-landsleikjaferill Kristals í byrjun ársins.
Það var snemma ljóst að Víkingur og Besta deildin væri stökkpallur fyrir Kristal, stökkpallur á stærri svið í evrópskum fótbolta. Nú er ljóst að næsta svið Kristals verður í efstu deild Noregs, þar sem hann mun leika lykil hlutverk í stórliðinu Rosenborg.
Við Víkingar vitum að ferillinn er rétt að byrja hjá Kristal og erum stolt af því að hafa tekið þátt í mótun hans. Framtíðin er svo sannanlega björt og í raun engin takmörk á því hversu langt Kristall getur náð!
Fyrir hönd íslensks fótbolta þökkum við fyrir okkur. Við munum fylgjast vel með þínum ferli, hvert sem hann mun leiða þig.
Mundu, að þú ert alltaf sussandi velkominn í hamingjuna!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 11 klukkutímum

Chelsea muni sætta sig við kröfur Leicester – Maguire ekki lengur dýrastur í sögunni

Chelsea muni sætta sig við kröfur Leicester – Maguire ekki lengur dýrastur í sögunni
433Sport
Fyrir 11 klukkutímum

Sjáðu drepfyndið myndband – Fluttu Bohemian Rhapsody í aðeins öðruvísi útgáfu

Sjáðu drepfyndið myndband – Fluttu Bohemian Rhapsody í aðeins öðruvísi útgáfu
433Sport
Í gær

Kemst upp með morð hjá Man Utd – ,,Versti liðsfélaginn“

Kemst upp með morð hjá Man Utd – ,,Versti liðsfélaginn“
433Sport
Í gær

Heimsfrægur leikari reyndi að sannfæra hann um að koma til Bandaríkjanna

Heimsfrægur leikari reyndi að sannfæra hann um að koma til Bandaríkjanna