KR kvaddi í dag Sigurvin Ólafsson. Hann hafði verið aðstoðarþjálfari karlaliðs félagsins, auk þess að stýra KV í Lengjudeildinni.
Talið er að Sigurvin sé á leið í Kaplakrika þar sem hann mun starfa sem aðstoðarmaður Eiðs Smára Guðjohnsen hjá FH. Sá síðarnefndi var ráðinn aðalþjálfari Fimleikafélagsins í gær.
Það vakti athygli að í færslu KR þar sem félagið kvaddi Sigurvin stóð að hann hafi verið ráðgjafi meistaraflokks karla hjá félaginu. Fyrir rúmu ári síðan sagði hins vegar á heimasíðu KR að Sigurvin hafi verið ráðinn sem aðstoðarþjálfari.
Netverjar hafa vakið athygli á þessu á Twitter í dag. Kristján Óli Sigurðsson, einn af meðlimum hlaðvarpsþáttarins Þungavigtarinnar, skrifar til að mynda: „Sá ráðgjafi. Kaldar kveðjur.“
Sá ráðgjafi. Kaldar kveðjur. https://t.co/kphLiYB707 pic.twitter.com/RpYYNQcacv
— Kristján Óli Sigurðsson (@kristjanoli) June 20, 2022
Sá ráðgjafi 🤔 https://t.co/JHwBCGqWx1
— Jón Kári Eldon (@jonkarieldon) June 20, 2022