Rio Ferdinand, goðsögn Manchester United, telur að Liverpool hafi gert vel í glugganum í sumar með því að semja við Darwin Nunez.
Nunez skrifaði nýlega undir samning við Liverpool og mun kosta liðið allt að 100 milljónir evra sem er enginn smá verðmiði.
Nunez hafði gert það gott með Benfica í Portúgal og spilaði einnig vel gegn Liverpool er liðin mættust í Meistaradeildinni.
Ferdinand er alls ekki mesti aðdáandi Liverpool en telur að félagið hafi gert góð kaup með því að fá framherjann inn í sumar.
,,Þetta líta út fyrir að vera frábær kaup fyrir Liverpool, því miður. Virgil van Dijk nefndi hann sem einn erfiðasta andstæðing sinn eftir að Liverpool spilaði við Benfica í Meistaradeildinni,“ sagði Ferdinand.
,,:Það er hægt að nefna Erling Haaland [sem fór til Manchester City] og líka Darwin. Hann er svolítið svipaður, hann er mjög beinskeyttur, fljótur, sterkur og stór og það er erfitt að mæta þannig leikmanni.“