Scott Duxbury, stjórnarformaður Watford, hefur tjáð sig um hjólandi markmanninn Ben Foster sem er vinsæll á vefsíðunni YouTube.

Foster hefur lengi gert það gott sem markvörður í efsta klassa en hann tók upp á því fyrir einhverjum árum að byrja YouTube rás.

Þar má sjá ýmislegt á bakvið tjöldin í lífi Foster sem er á mála hjá Watford og er aðalmarkvörður liðsins.

Duxbury og stjórn Watford eru hins vegar engir aðdáendur af þessari YouTube rás og var Foster beðinn um að hætta að birta myndbönd í vetur og lofaði því.

Foster stóð hins vegar ekki við þau orð og hefur Duxbury nú tjáð sig um það sem átti sér stað.

,,Það er ýmislegt sem gengur á yfir tímabil og sumt af því er viðkvæmt pólitískt efni sem við getum ekki rætt við stuðningsmenn eins og við myndum vilja,“ sagði Duxbury.

,,Hins vegar, núna þegar tímabilið er búið þá get ég sagt það að sum myndböndin voru mjög svekkjandi.“

,,Yfirmaður knattspyrnumála okkar, Cristiano Giaretta, hitti Ben og bað hann um að stoppa. Hann lofaði að gera það en gerði það ekki, hann var sektaður.“

,,Við viljum fagmannleg vinnubrögð hjá Watford og þessi myndbönd sinna því ekki. Ég vildi segja á þessum tíma að þessi myndbönd væru vitleysa og að við værum búnir að refsa aðilanum fyrir þau en gat ekki gert það.“

Enski boltinn á 433 er í boði