Þór/KA tók á móti Breiðabliki í Bestu deild kvenna í dag.
Clara Sigurðardóttir kom gestunum yfir strax á 9. mínútu leiksins. Það reyndist eina mark fyrri hálfleiks.
Karítas Tómasdóttir bætti við tveimur mörkum fyrir Blika á fyrsta stundarfjórðungi síðari hálfleiks. Úrslitin voru svo gott sem ráðin eftir það.
Natasha Moraa Anasi innsiglaði svo öruggan 0-4 sigur Breiðabliks með marki þegar tæpar tíu mínútur lifðu leiks.
Breiðablik er í öðru sæti deildarinnar með 21 stig, stigi á eftir toppliði Vals sem á leik til góða.
Þór/KA er í áttunda sæti með tíu stig, sex stigum fyrir ofan fallsæti.